Бүгүн, сэтинньи 25 күнүгэр, өрөспүүбүлүкэ киин, соҕуруу, соҕуруулуу-арҕаа, хотугулуу-илиҥҥи уонна күнүс хотугулуу-арҕаа улуустарыгар кыралаан хаардыаҕа. Былыт кэлбитинэн, халлаан ичигэс буолуо. Ол туһунан Гидромет-киин Саха сиринээҕи салаата иһитиннэрэр.
Эдьигээҥҥэ, Өлөөҥҥө уонна Мииринэй хотугу өттүгэр соҕурууттан сөкүүндэҕэ 17 – 22 миэтэрэ түргэннээх тыаллаах буолуо. Быыһыгар силлиэрэн ылыаҕа.
Халлаан түүнүн -22...-27, илин эҥээргэ -27...-32, Өлүөнэ алын тардыытыгар -32...-37, хотугулуу-илин -38...-43, оттон соҕуруу -15...-20 кыраадыс тымныы.
Күнүһүн халлааммыт -18...-23, хотугулуу-илин -23...-28, хотугулуу-илин намыһах сирдэргэ -33...-38, соҕуруу хаардаатаҕына, -10...-15 кыраадыс буолара күүтүллэр.
Дьокуускайга бүгүн кыралан хаардыаҕа, арҕааттан сөкүүндэҕэ 1 – 4 миэтэрэ түргэннээх тыаллаах буолуо. Бу түүн -23...-25, оттон күнүс -20...-22 кыраадыс тымныы.
