“Халлааммыт ичигэс” диэн астына-дуоһуйа сылдьыбыппыт баара... Аҕыйах хонугунан бытархан тымныылар түһэллэр. Саҥа Дьыл эрэ иннинэ -50 буолуоҕа. Эбиитин, халлааммыт нуорматтан 4 – 6 кыраадыһынан ордук тымныйыа дииллэр.
Ол туһунан ТАСС-ка Арассыыйа Гидромет-киинин билимҥэ салайааччыта, улахан дьылдьыт Роман Вильфанд иһитиннэрэр.
Кини этэринэн, Уһук Илин халлаана хайдах буолара антициклонтан тутулуктаах буолуохтаах. Онон, ахсынньы 29 күнүгэр Саха сиригэр халлааммыт олоҕурбут нуорматтан 4 – 6 кыраадыһынан тымныы буолуохтаах үһү, -50 буолара күүтүллэр.
Оттон бүгүн, ахсынньы 25 күнүгэр, өрөспүүбүлүкэ соҕуруулуу-арҕаа, соҕуруу, соҕуруулуу-илин уонна киин улуустарыгар кыралаан хаардыаҕа. Киин улуустарга күнүһүн -29...-34, соҕуруу уонна арҕаа -23...-28, оттон илин -30...-35 буолуоҕа.
Дьокуускайга онуоха-маныаха диэри күнүһүн -30...-32. Кыраһалыыр.
