Сарсын, ахсынньы 27 күнүгэр, Усуйаана уонна Булуҥ улуустарыгар сөкүүндэҕэ 15 – 20 миэтэрэ түргэннээх күүстээх тыал, буурҕа түһэрэ күүтүллэр. Ол туһунан Гидромет-киин Саха сиринээҕи салаата иһитиннэрэр.
Тохтуу-тохтуу үрэр күүстээх тыал үөһэ ахтыллыбыт улуустары сэргэ соҕуруу, соҕуруулуу-арҕаа уонна Халымаҕа түһүөхтээх дииллэр.
Сарсын күнүс киин улуустарга -32...-37, сорох сиргэ -22...-27 кыраадыс буолуоҕа. Хотугулуу-илин -35...-40, оттон соҕурууҥҥу улуустарга арыый ичигэс -18...-23 кыраадыс тымныы.
Дьоллоох Дьокуускайга халлаан улаханнык тымныйбат, кыраһа-хаар түспэт. Күнүһүн -33...-35 буолуоҕа.
Ол гынан баран, күнү-дьылы кэтээн көрөр анал идэлээх дьон, чуолаан Арассыыйа гидромет киинин салайааччыта Роман Вильфанд, Саха сиригэр ахсынньы 28 күнүттэн -50 кыраадыстаах тымныылар түһүөхтэрэ диэн сэрэтэр.
