Киир

Киир

ВОСТОК-МЕДИА аан ситим саха куобахтара  Карелияҕа улахан айдааны таһаарбыттарын туһунан суруйда. Харамайдар маннык кэлэн тарҕаныыларын учуонайдар «экологическай бандитизм» диэн ааттыыллар эбит.

Саха сирин куобахтарын туһунан Петрозаводскайдааҕы судаарыстыбаннай университет биология факультетын декана, академик Эрнест Ивантер Карелия кыылын-харамайын туһаныы уонна харыстааһын кэмитиэтин кэллиэгийэтин мунньаҕар иһитиннэрбит. Кини этэринэн, былырыын ким эрэ саха куобахтарын Ленинград уобалаһыгар илдьэн ыыппыт. Онтон тарҕанан, куобахтар Карелия сиригэр, чуолаан Лахденпохскай оройуоҥҥа киирбиттэр.

Учуонай саха куобаҕа ордук тулуурдааҕын уонна маннааҕы куобахтарга суох ыарыылаах буолуон сөптөөҕүн эппит. Онон, «ыҥырыыта суох ыалдьыттар» Карелия экологиятын хамсатыахтара диэн куттанар эбит. Ол эрээри кэлии куобахтар тарҕаныыларын хайдах тохтотору билбэт.   

Хаартыска: Охотники.ру

Бэйэ кэр.

Санааҕын суруй

Бүтэһик сонуннар