Соҕуруу дойду “сымнаҕас” кыһыныгар бары ымсыырабыт эрээри, быйыл кыһыл халлаан эмискэ сылыйан-тымныйан кубулҕатырбытын, салгын баттааһына элбэхтик түспүтүн-тахсыбытын түмүгэр, ыалдьар киһи ахсаана элбээбит диэн киин сир быраастара суруйаллар.
Дьон сүрүннээн сүрэҕэ-тымыра ыалдьар, дабылыанньата хамсыыр, сүрэҕин тэбиитэ кэһиллэр буолбут, ол барыта, бэл, инфарка-инсулга тиэрдибит.
Итини таһынан, ичигэс кыһын буолан быйыл дьаҥ-дьаһах, тумуу-кириип хаһааҥҥытааҕар даҕаны биллибит.. Салгын эмискэ сылыйар-тымныйар буоллаҕына, киһи этэ-сиинэ харыстанар-көмүскэнэр кыаҕа мөлтүүр, ОРВИ ыарыытыгар бэринимтиэ буолар эбит.
Аны туран, мэдиссиинэ үлэһиттэрэ халлаан “хачыаллана” оонньуура киһи уйулҕатыгар эмиэ дьайар дииллэр. Киһи бэйэтэ да билбэтинэн уута кэһиллэр, төбөтө ыалдьар, сүрэҕэлдьиир буолар. Устунан дэпириэссийэҕэ эбэтэр куттанар-дэбириэссийэлиир турукка тиэрдиэн сөп эбит.
Доҕоттор, эһиги этэҥҥэ инигит?