Бүгүн, олунньу 17 күнүгэр, өрөспүүбүлүкэ соҕуруулуу-арҕаа, соҕуруулуу-илин, соҕуруу, хотугулуу-илин өттүгэр көтө сылдьан уонна Арктика кытылыгар кыралаан хаардыаҕа. Соҕурууҥҥу улуустарга сөкүүндэҕэ 15 – 20 миэтэрэ түргэннээх тыалырыа.
Арктика кытылыгар күүһүрэр кэмигэр тыал сөкүүндэҕэ 9 – 14 миэтэрэ түргэннээхтик үрүө, тибиилээх буолуо. Тэмпэрэтиирэ түүнүн -27...-32, хотугулуу-илин уонна хотугулуу-арҕаа түүнүн халлаан дьайҕаран ылар кэмигэр -33...-38 кыраадыска тиийиэ. Хотугулуу-арҕааҥҥы улуустарга намтал сирдэргэ түүнүн -40...-45, арҕаа -30...-35 буолара күүтүллэр.
Күнүһүн халлаан биллэ сылыйыа: -18...-23 буолуо, арҕаа -22...-27 кыраадыс тымныы. Хотугулуу-арҕаа уонна хотугулуу илин эмиэ кыралаан сылыйар: -25...-30 кыраадыс.
Бүгүн күнүс Дьокуускайга хаара-кыраһата суох, хотугулуу-арҕааттан сөкүүндэҕэ 2 – 7 миэтэрэ түргэннээх тыаллаах. Тэмпэрэтиирэ -19...-21 буолара сабаҕаланар.
Бу туһунан УГМС Саха сиринээҕи салаата иһитиннэрэр.
