Горнай оройуонун “Тыымпынай” питомнигыттан 10 бизон оҕотун Өлүөхүмэҕэ "Кэйиктэ" резерватыгар Намана үрэх кытылыгар тэриллибит “Намана” пууҥҥа көһөрдүлэр. Айаны этэҥҥэ тулуйбуттар, кэлэн номнуо саҥа “дьиэлэригэр” мэччийэ сылдьаллар. Бу туһунан СӨ баһылыга Айсен Николаев Telegram ханаалыгар иһитиннэрдэ.
Бу тэрээһин ойуур бизоннарын харыстыыр улахан суолталаах бырайыак иитинэн буолла. Сүрүн сыала-соруга – Норуоттар икки ардыларынааҕы айылҕа харыстабылын сойууһун «кыһыл испииһэгэр» киирбит сэдэх кыыллар ахсааннарын элбэтии уонна кинилэргэ куттала суох көҥүл эйгэни тэрийии.
Бэйэ кэр.
