Күн устата өрөспүүбүлүкэбит үгүс сиригэр хаардаах, сорох сиринэн ардахтаах, тыаллаах күн туруоҕа. Бу туһунан «Якутия 24» ханаал Саха сиринээҕи Гидрометеорология уонна айылҕаны хонтуруоллуур управлениетын (ЯУГМС) иһитиннэриитигэр олоҕуран биллэрэр.
Өрөспүүбүлүкэ улахан өттүгэр кыра хаар түһүө, оттон арҕаа уонна Өлүөнэ өрүс аллараа сүүрүгэр — орто кээмэйдээх хаар күүтүллэр. Күнүс өрөспүүбүлүкэ соҕуруу уонна соҕуруу-арҕаа өттүгэр ардах түһүөн сөп.
Тыал күүһэ Кэбээйи уонна Эдьигээн улуустарыгар, түүн Анаабырга, оттон күнүс Ленскэй оройуонугар соҕуруу уонна соҕуруу-арҕаа хайысхалаах тыал түһүөҕэ. Тыал күүһэ сөкүүндэҕэ 15–20 миэтирэ кээмэйдээх.
Салгын температурата:
- Түүн: -15…-20 кыраадыс тымныы. Хоту-илин намтал сирдэргэ -26…-31 кыраадыска диэри тымныйыаҕа, Өлүөнэ аллараа сүүрүгэр -9…-14, соҕуруу-арҕаа -2…-7 кыраадыс тымныы буолуоҕа.
- Күнүс: Термометрдар -3…+2 кыраадыс икки ардыгар көрдөрүөхтэрэ. Хоту-илин -4…-9, намтал сирдэргэ -10…-15 кыраадыс, оттон соҕуруу уонна соҕуруу-арҕаа салгын +3…+8 кыраадыска диэри сылыйыаҕа.
Айанньыттар, суолга тахсар дьоммут болҕомтолоох буолуҥ, айылҕа уларыйыытын учуоттааҥ!
