Ыам ыйын 1 күнүгэр халлаан туруга хайдах буолуон сөбүн туһунан Гидрометкиин Саха сиринээҕи салаатын Метеорология уонна агрометеорология билгэлээһинин салайааччыта Саргылаана Никитина сырдатта.
“Муус устар 27 күнүн түүнүгэр арҕааттан былын кэлэн, Дьокуускайга ардаабыта. Бу нэдиэлэҕэ халлаан уларыйа сылдьыа эрээри, температура улаханнык халбаҥныа суоҕа. Чэппиэргэ уонна бээтинсэҕэ кыралаан ардыаҕа. Ыам ыйын 1 күнүгэр киин улуустарга уонна Дьокуускайга +12 кыраадыска тиийэ сылыйыаҕа, сөкүүндэҕэ 8—13 миэтэрэ түргэннээх тыаллаах буолуо. Нэдиэлэ бүтүүтүгэр хотугулуу-илиҥҥи улуустарга Арктика кытылыттан былыт кэлэн хаардыаҕа, тыалырыа. Бээтинсэҕэ уонна өрөбүллэргэ ол эҥээр халлаан арыый тымныйыаҕа”, – диир эспиэр.
Муус устар 30 күнүгэр хотугулуу-арҕаа, арҕаа, Өлүөнэ алын тардыытыгар уонна киин улуустарга көтө сылдьан хаардыаҕа. Соҕуруу, соҕуруулуу-арҕаа инчэҕэй хаар түһүөҕэ, сорох сиринэн хаар былаастаах ардах биллэн ааһыа.
Ыам ыйын 1 күнүгэр хотугулуу-илин эмиэ хаар түһүөҕэ. Ити күн киин улуустарга күнүһүн +5...+10, соҕуруулуу-илин +10...+15, хотугулуу-арҕаа уонна хотугулуу-илин +1...+6, хоту -5...-10, Хотугу Муустаах байҕал кытылыгар -10...-15 кыраадыс сылаас-тымныы буолара сабаҕаланар.
