Саха сирин арҕаа уонна киин өттүгэр кыра ардах уонна инчэҕэй хаар түһүөҕэ. Соҕуруулуу-арҕаа уонна хотугулуу-илин өттүгэр сорох сирдэринэн орто кэриҥнээх сөҥүү түһүөҕэ, диэн Гидромет-киин Саха сиринээҕи салаата иһитиннэрэр.
Тыал орто кэриҥнээх буолуоҕа. Арктика кытылыгар тыал түргэнэ сөкүүндэҕэ 15-18 миэтэрэҕэ тиийиэҕэ. Буурҕа түһэрэ күүтүллэр.
Түүн салгын температурата 0-тан -5°С-ка диэри буолуоҕа. Ырааһырдаҕына -5-10°С-ка диэри тымныйыаҕа. Хотугулуу-арҕаа уонна Өлүөнэ алын тардыытыгар -10-15°С буолуоҕа. Хотугулуу-илин өттүгэр -17-22°С-ка диэри түһүөҕэ. Соҕуруулуу-арҕааҥҥы өттүгэр түүн 0-тан +5°С-ка диэри күүтүллэр.
Күнүс салгын +8-13°С-ка диэри сылыйыаҕа. Хотугулуу-арҕаа уонна Өлүөнэ алын тырдыытынан -2°С-тан +3°С-ка диэри буолуоҕа. Хотугулуу-илин өттүгэр температура -2-7°С буолуоҕа. Соҕуруу уонна соҕуруулуу-илин өттүгэр +10-15°С күүтүллэр. Арктика кытылыгар күнүс -9-14°С буолуоҕа.
Бэй.кэр.
Хаартыска: «Якутск вдохновляет!» хаартыска күрэҕин архыыбыттан
