Түөрт чаас иһигэр уу таһыма 150 см үрдээтэ
Ыам ыйын 11 күнүн киэһэтинэн Ленскэй аттыгар Өлүөнэ өрүскэ муус хамсаабытын оройуон дьаһалтата иһитиннэрэр. Түөрт чаас иһигэр куорат аттынааҕы уу таһыма 150 см үрдээн, 771 см буолла. Кутталлаах таһым 1760 см. Муус халыҥнык устар.
Ленскэй оройуонун ЕДДС дааннайынан, өрүс мууһа оройуон киинин нөҥүө устар. Битиим уонна Пеледуй бөһүөлэктэригэр кутталлаах таһымы ааспытын кэннэ уу кээмэйэ намтаан эрэр. Бүтэһик көрдөрүүлэринэн Битиимҥэ 650 см, Пеледуйга 955 см буолбут.
Өрүс кытылыгар олорор дьоҥҥо официальнай иһитиннэриилэри кэтээн көрөргө уонна куттал суох буолуу миэрэлэрин тутуһарга сүбэлээтилэр.
Бэй.кэр.
Хаартыска: МЧС Саха сиринээҕи салаата
