Бэс ыйын 16 күнүнээҕи туругунан, Саха сиригэр түөрт улууска сэттэ ойуур баһаарын утары киирсэллэр. Ол туһунан СӨ Экологияҕа министиэристибэтэ иһитиннэрэр.
Үөһээ Бүлүүгэ сир кырсынан барар саҥа баһаар көһүннэ, иэнэ 3 гаа диэн буолла. Онно “Авиалесоохрана” 10 исписэлииһэ тиийэн үлэлээн эрэр.
Ордук уустук балаһыанньа Ленскэй улууһугар үөскээн турар. Онно үс сиргэ улахан уот баар. Уопсай иэнэ – 2 146 гаа. Уоту бохсууuа “Авиалесоохрана” – 125, “Якутлесресурс” – 27 исписэлииһэ үлэлии сылдьар, 3 тиэхиньикэлээхтэр.
Итини сэргэ бу күннэргэ Мэҥэ Хаҥаласка, Ленскэйгэ уонна Уус Майдаҕа баар кэккэ уоттары төгүрүйдүлэр – барыта 23 гаалаах сири. Бу сарсыарда Мэҥэ Хаҥаласка 3,2 гаалаах уоту умуллардылар.
Сиргэ-уокка сылдьан тыа-ойуур умайарын, буруо тахсарын көрдөххүтүнэ? маннык нүөмэргэ эрийиҥ: 8-800-100-94-00, 8 (4112) 44-74-76, 8 (4112) 44-77-28.
