Ааспыт суукка иһигэр Мииринэй, Ньурба уонна Өлөөн улуустарыгар барыта 2 957 гаа иэннээх сэттэ баһаары умуллардылар. Ол туһунан экология миниистирин солбуйааччыта Андрей Коноплев кэпсээтэ.
Атырдьах ыйын 7 күнүнээҕи туругунан, Саха сиригэр барыта 558 тыһыынча гаа иэннээх 79 баһаар умайа турар. Ньурбаҕа, Мииринэйгэ, Кэбээйигэ, Өлөөҥҥө, Сунтаарга, Орто Халымаҕа уонна Уус Майдаҕа тоҕус улахан уоту утары киирсэллэр. Баһаарга 453 киһи уонна 51 тиэхиньикэ үлэлии сылдьар.
Миниистир солбуйааччыта этэринэн, Өлөөн Ээйигэр куттал суоһаабат.
Бэй.кэр.
Хаартыска: МЧС Саха сиринээҕи салаата.
