Ойуур уотуттан уонна ардахтартан сылтаан Кэбээйи улууһугар икки улахан ходуһа улаханнык эмсэҕэлээтэ.
Сииттэ нэһилиэгэр Уот Сиэбит уонна Үрэх Таҕыс диэн ходуһаларга рулоннаах от уу анныгар барда. Горнай улууһугар тохтообокко түспүт ардахтартан сылтаан үрэх туолан, Кэбээйи улууһугар хаатыттан таҕыста. Нэһилиэк дьаһлтатыгар эппиттэринэн, 150 туонна от уу анныгар устубут.
Тамылҕан нэһилиэгэр 5 гектаардаах ходуһаларга уот турбут. Олохтоохтор бэйэлэрин күүстэринэн уоту умуллара сатаабыттар да, уот иккистээн күөдьүйбүт. Билигин миэстэтигэр баһаарынай сулууспа, ойуур хаһаайыстыбатын үлэһиттэрэ уонна олохтоохтор турбут уоту бохсоллор. Олохтоохтор этэллэринэн, уоту суһаллык умулларбатахтарына, үрэх нөҥүө таҕыста да, уот кэбиһиилээх оту былдьыан сөп.
Билиҥҥи туругунан, Кэбээйи улууһугар 16,5 туонна от бэлэмнэммит, ити былааннаммытан 96%.
