Бүгүн, атырдьах ыйын 24 күнүгэр, Саха сирин улахан аҥаарыгар ардах түһэрэ күүтүллүбэт. Соҕурууҥҥу уонна хотугу улуустарга көтө сылдьан кыралаан ардыаҕа, хоту түүнүн инчэҕэй хаар түһүө. Ол туһунан Гидрометкиин Саха сиринээҕи салаата иһитиннэрэр.
Сөбүгэр кыра тыаллаах буолуо. Хотугулуу-илин уонна соҕуруулуу-арҕаа күүһүрэн ылар кэмигэр сөкүүндэҕэ 8—13 м/т үрүө, Усуйаанаҕа сорох сиргэ 15—20 м/т буолуо, Арктика улуустарыгар – 17—22 м/т.
Температура түүнүн +1...+6, халлаан дьайҕаран ылар кэмигэр 0...-3 кыраадыс, кэккэ улуустарга – тоҥоруо. Хотугулуу-илин уонна намтал сирдэргэ -1...-6 буолара күүтүллэр. Соҕуруулуу-арҕаа уонна хотугулуу-арҕаа кэккэ сирдэргэ +6...+11 кыраадыс.
Күнүс салгын температура +18...+23, ардах кэмигэр уонна Халыма-Индигиир улуустарыгар +13...+18 кыраадыс сылаас.
Дьокуускайга түүнүн +2...+4, куорат кытыытыгар 0...-2 кыраадыс тымныы, күнүһүн +19...+21 кыраадыс сылаас.
