Өрөбүллэргэ Дьокуускайга +25 кыраадыс сылаас буолуо, сайыҥҥылыы куйаарыа. Ол гынан баран, түүнүн биллэ тоҥоруо, “минус” кытта буолуо. Баҕар. Ол туһунан Гидрометкиин Саха сиринээҕи салаатын үлэһитэ Саргылаана Никитина этэр.
“Бу күннэргэ киин улуустарга уонна Дьокуускайга ардах-хаар суох. Түүнүн киин куоракка +2...+4 кыраадыс сылаас, оттон нэдиэлэ бүтүүтүгэр +5...+7 буолуоҕа. Сэрэдэҕэ күнүс +18...+20, чэппиэргэ +20...+22, бээтинсэҕэ +22...+24 кыраадыс сылаас. Оттон баскыһыанньаҕа +25 буолара күүтүллэр”, – диир Саргылаана Никитина.
Ол гынан баран, киин улуустарга түүнүн халлаан дьайҕаран ылар кэмигэр тоҥоруон, хаһыҥныан сөп.
Бу күннэргэ Арктика кытылыгар эрэ кыралаан ардыаҕа.
Кыым.ру.
Хаартыска: СИА
