Бүгүн сарсыарда Дьокуускай куорат уонна киин улуустар олохтоохторо буруо быыһыгар уһугуннубут. Бу буруо хантан кэллэ?
Атырдьах ыйын 27 күнүгэр Дьокуускай куорат уонна киин улуустары ойуур баһаардарын хойуу буруотунан саба бүрүйдэ. Маннык буруолаах, кэри-куру күннэр бүгүн-сарсын туруохтара диэн сылыктыыллар.
“Өлөөҥҥө, Мииринэйгэ, Бүлүү эҥэр улуустарга, Саха сирин хотугу арҕаа уонна арҕаа өттүгэр ойуур баһаардара күүскэ умайа тураллар. Бу улуустар хойуу буруонан бүрүллэн олороллор. Бэҕэһээ бу буруо Бүлүү эҥэри саба бүрүйэн кэлбитэ, бүгүн Дьокуускайга уонна киин улуустарга тиийдэ. Горнайга, Кэбээйигэ уонна Хаҥаласка эмиэ хойуу буруо турар. Сылыктаан көрдөхпүтүнэ, сарсын, о.э. бээтинсэҕэ буруо өссө хойдор чинчилээх”, – диэн күнү-дьылы кэтээн көрөр сулууспа отделын начальнига Саргылана Никитина кэпсээтэ.
Kyym.ru.
Хаартыска: РИА-Новости.
