“АЛРОСА” хампаанньа тулалыыр эйгэҕэ таһаарбыт хоромньутун кытары сөпсөпөккө, улаханнык аахсан көмүскэһэн эрэр диэн экология миниистирэ Сахами Афанасьев иһитиннэрэр.
Министиэристибэ этэринэн, хампаанньа Иирэлээх өрүһүн киртиппитигэр – 11,1 мөл. солк., Аччыгый Ботуобуйаҕа – 4 млрд солк., Бүлүү өрүскэ – 22,7 млрд солк. хоромньуну таһаарбыт. Бу суума Москубаҕа Росприроднадзорга сөбүлэһиигэ сытар.
“Хампаанньа уу эбийиэктэрин эйгэтигэр айылҕаны харыстааһыҥҥа ирдэнэр РФ Уу кодексатын кэһиигэ, тулалыыр эйгэни харыстааһыҥҥа федеральнай сокуону, административнай кодексаны кэспитин иһин хампаанньа уонна дуоһунастаах сирэйдэр эппиэккэ тардыллыбыттара. Онуоха дьүөрэлии эппиэтинскэ Росприроднадзор уонна Ростехнадзор тардыбыта. Ол гынан баран, хампаанньа олус агрессивнай эридическэй көмүскэли ыытар, хоромньу сууматын кытары сөпсөспөккө буола сатыыр. Сотору кэминэн Арбитраж суута көрүөҕэ. Биһиги бэйэбит этиибитин олохтоохтук күрдьэн барыахпыт”, — диэтэ Сахамин Афанасьев.
