Ааспыт сылга тэҥнээн көрдөххө айылҕа харыстабылын сокуонун кэһии 30 % оттон ыстараап уонна ирдэбил 41 % үрдээбит. Бу туһунан СӨ Айылҕа харыстабылын миниистирэ Сахамин Афанасьев иһитиннэрдэ.
“Бу сылга 5 тыһ тахса хонтуруоллуур тэрээһиннэр ыытылыннылар. 3 тыһ тахса сокуону кэһии уонна 20 мөл солк-га 2,8 тыһ ыстараап түһэрилиннэ. Ону таһынан, 102 мөл солк-га 125 ирдэбил оҥоһулунна”, – диэн миниистир быһаарда.
Уопсастыбаннай экологическай хонтуруол үлэтэ үчүгэй көрдөрүүлээҕин бэлиэтээтилэр. Ол курдук, бу сылга инспектордар ахсаана 360-тан 656 киһиэхэ диэри элбээбит. Ол иһин, министиэристибэ бу хайысханан үлэни сайыннарар былааннаах.
Сахамин Афанасьев өрөспүүбүлүкэ “Экология” национальнай бырайыак чэрчитинэн 2019-2021 сылларга, федеральнай бүддьүөттэн 2 млрд 927 мөл солк ыларын санатта.
