“CCTV” Кытай телехампаанньатын суруналыыһа, хаартыскаҕа түһэрээччи, уопсастыбанньык Чжоу Хайянь Аллайыаха улууһугар кыталыктар тустарынан документальнай киинэни устуоҕа.
Чжоу Хайянь дойдутугар бу көтөрдөрү көмүскээччи быһыытынан биллэр. Сайын устар бөлөх саха учуонайдарын кытта Аллайыаха улууһугар тиийэн үлэлиэҕэ. Саха сиригэр кыталыктар ордук бу улууска олохсуйаллар. Кинилэри аймаабат, соһуппат курдук ыраахтан устуохтара.
Бүтэһик сыаналааһынынан ахсааннара быһа холоон 4-4,5 тыһ. Өрөспүүбүлүкэ 19 ураты харыстанар сирдэригэр көмүскэнэллэр.
