Бүгүн Ленскэйгэ Арассыыйа ЫБММ (МЧС) миниистирэ Евгений Зиничев кэллэ. Ил Дархан Айсен Николаевы кытта халаан уутугар бэлэмнэнии тула мунньах ыыттылар.
Евгений Зиничев Саха сиригэр сааскы халаан уута билгэлээһин быһыытынан ааһарын бэлиэтээтэ. Өлүөнэ, Алдан, Таатта өрүстэргэ ЫБММ (МЧС) Саха сиринээҕи салаатын үс бөлөҕө тэриллэн үлэлиирин иһитиннэрдэ.
СӨ Бырабыыталыстыбата уу ылар нэһилиэнньэлэр испииһэгин бигэргэттэ. Ол курдук, 24 муниципальнай тэриллиилэргэ 133 нэһилиэнньэлээх пуун ууга барар кутталлаах. Халаан уутун содулун туоратыыга, нэһилиэнньэни көһөрүүгэ 16,5 тыһ киһи, 2,1 тыһ тиэхиньикэ, 135 устар тэрил үлэлиэҕэ. Ону таһынан, 15 көтөр аалы, 2 беспилотнай аппарааты көмөлөһүннэрэр былаан баар. Мунньах түмүгүнэн миниистир быйылгы халаан уутугар тустаах уорганнар бэлэмнээхтэрин бэлиэтээтэ.
