Бүгүн сарсыарда Томпо оройуонугар сир хамсаата. Бу туһунан СӨ ЫБММ пресс-сулууспата иһитиннэрэр.
“63°02′ СШ, 37°26′ ВД координаталаах сиргэ учуоттуур тэрил 3,5 балл магнитудалаах сир хаҕа хамсаабытын 10 км дириҥҥэ бэлиэтээтэ. Рихтер шкалатынан 4 баллга тэҥнэһэр. Сир Теплый Ключ бөһүөлэктэн хотугу-илиҥҥи диэки 42 км хамсаабыт”, – диэн иһитиннэриигэ суруллар.
Оперативнай сулууспа иһитиннэрбитинэн, эмсэҕэлээччи, алдьаныы суох. Эбийиэктэр үлэлииллэр, сир хамсааһына улаханнык биллибэтэх. Онон нэһилиэньэттэн үҥсүү киирбэтэх.
