Ньурба улууһугар үс ойуур уотун умуллараллар, онтон биирин бүтүннүү умуруордулар, нэһилиэнньэлээх пууннарга куттал суоһаабат диэн экология министиэристибэтин пресс-сулууспата иһитиннэрэр.
Уопсайа 50 гектаардаах сир умайа турар.
“Уот салгыы өрө барбатын диэн, билигин уопсай күүстээх үлэ нэһилиэктэр чугастарыгар ыытыллар. Ол курдук, минерилизованнай балаһа тардыллар, территорияны күүскэ маныыллар” диэн пресс-сулууспа суруйар.
Баһаары умулларыыга 115 киһи үлэлиир: “Авиалесоохрана” исписэлиистэрэ, Үөһээ Бүлүү уонна Ньурба улууһун баһаарынай сулууспаларын десантниктара, “Якутлесресурс” үлэһиттэрэ. Маны таһынан, олохтоохтортон 11 киһи итиэннэ 9 тиэхиньикэ үлэлиир.
Маны таһынан, улууска өссө эбии 8 тыа баһаара бэлиэтэммит. Балар нэһилиэнньэлээх пууннартан балай да ыраах буоланар, сокуон быһыытынан умулларар наадата суох.
Ньурба баһаардарыттан сылтаан ыаллыы улуустарга күүстээх буруо бэлиэтэнэр.