Соторутааҕыта Абый улууһун Белай гора бөһүөлэгэр олохтоохтор икки тыатааҕыны көрбүттэр. Айылҕа харыстабылын инспекциятын үлэһиттэрэ уонна олохтоохтор адьырҕа кыыллары өлөрөргө күһэлиннилэр.
Ол курдук, атырдьах ыйын 26 күнүгэр сыбаалка аттынан биир тыатааҕыны айылҕа харыстабылын инспекциятын үлэһиттэрэ уонна олохтоох булчуттар өлөрбүттэр. Оттон иккис тыатааҕы атырдьах ыйын 30 күнүгэр дьон олбуорунан сылдьарын көрөн дьиэлээх хаһаайын ытан өлөрбүт.
Санатар буоллахха, Мииринэй оройуонун Арыылаах нэһилиэгин олохтооҕо 28 саастаах дьахтар тыатааҕыны кытта утары көрсөн турар. Кыыс дьолго быыһаммыта.
