Өрөспүүбүлүкэҕэ ааспыт сууккаҕа хонтуруоланар зонаҕа 4 ойуур баһаарын умуруорбуттар. Бу туһунан экология министиэристибэтин пресс-сулууспата иһитиннэрэр.
Билигин Абый улууһугар биир ойуур уотун умулларыыга үлэ күүстээхтик барар. Онно 23 киһи кыттар.
Киһи-сүөһү мээнэ кыайан тиийбэт сиригэр 18 бэлиэтэммит термоточка бастайааннай кэтээн көрүүгэ сылдьар. Ойуур салаабыт сир уопсай иэнэ – 20 345 гаа.
