Бу сылга “Өлүөнэ остуолбалара” национальнай пааркаҕа 21 098 киһи сылдьыбыт. Бу туһунан паарка дириэктэрин эбээһинэһин быстах кэмҥэ толорооччу Евгений Крупенков иһитиннэрдэ.
Кини кэпсииринэн, пааркаҕа кыһыҥҥы кэмҥэ 11522 киһи, оттон сайын 9535 киһи сылдьыбыт. Бүтэһик үс сыл иһигэр уопсайа 56 495 киһи ыалдьыттаабыт. “Дьон биһиги пааркабытыгар үөрэ-көтө кэлэллэрин курдук хаачыстыбалаах өҥөнү оҥоруохтаахпыт. Биһиги кэпсиирбит, көрдөрөрбүт өссө да элбэх. Онон туристарга анаан сөптөөх усулубуйаны тэрийиэхтээхпит”, – диэн эттэ.
