“2020-2025 сс тыа сирин сайыннарыы” бырагыраамманан, Чурапчы нэһилиэгин гаастааһын үлэтэ саҕаланна. Бу туһунан СӨ тыа хаһаайыстыбатын министиэристибэтин пресс-сулууспата иһитиннэрэр.
Гаас ситимин уһуна 25 847 м, сыаната 117 мөл солк тэҥнэһэр. 2020 сылга 95,8 мөл солк үп көрүллүбүт. Федеральнай бүддьүөттэн — 88,1 мөл солк, оттон өрөспүүбүлүкэ бүддьүөтүттэн — 7,7 мөл солк.
“Билигин гаас ситимэ тардыллыахтаах тыраассатын хаара ыраастанна, Ярославскайтан Петровскай уулуссаҕа диэри сыбааркалыыр үлэлэр ыытыллаллар. Ону таһынан 108х4,0 мм кээмэйдээх 2,5 км турба кэллэ. Хантараак болдьоҕо 2021 сыл балаҕан ыйын 1 күнүгэр бүтэр. 421 олорор дьиэ айылҕа гааһыгар холбонуохтаах”, — диэн тыа хаһаайыстыбатын министиэристибэтин тутуу дириэксийэтин дириэктэрэ Кирилл Местников иһитиннэрдэ.
Кини этэринэн бу бырагыраамманан өрөспүүбүлүкэҕэ, 2020 сылга нэһилиэнньэлээх пууннары гаастааһын алта эбийиэгэ, олор истэригэр Горнай улууһун Бэрдьигэстээҕэ, Мэҥэ Хаҥалас улууһун Бүтэйдээҕэ, Чурапчы улууһун киинэ киирбиттэр.
