Киир

Киир

 Кyym.ru. Муус устар 8 күнэ — АЛРОСА Экологияҕа киинэ Саха сирин ураты харыстанар сирдэрин уонна айылҕа пааркаларын биологическэй ресурсаларын Дириэксийэтин кытары хотугу кыыл таба популяциятын көмүскүүргэ ыытыллар миэрэлэри үбүнэн өйүүр туһунан эбии сөбүлэҥи түһэристэ. Бу туһунан хампаанньа пресс-сулууспата иһитиннэрэр.

Өр сыллаах бииргэ үлэлэһии сөбүлэҥин чэрчитинэн АЛРОСА биэдэмэстибэни кытары 2019-2022 сс. Саха сирин туундаратыгар кыыл таба популяциятын билиҥҥи туругун сыаналыырга уонна таба ахсаанын элбэтэргэ уонна харыстыырга дьаһаллары оҥоруохтара.

Бу кулун тутар ый бүтүүтэ баттаммыт 1 мөл. солкуобайдаах эбии сөбүлэҥ чэрчитинэн, “Арҕаа” диэн кыыл табаны харыстыыр анал этэрээти тырааныспар тэрилинэн хааччыйыахтара уонна табалары үөһэттэн кэтээн көрөргө уонна устарга квадракоптер атыылаһыахтара.

2019 сыллаахха АЛРОСА харчынан көмөтүнэн, дириэксийэ кыыл табаны кэтээн көрөр судаарыстыбаннай иниспиэктэрдэр үлэлэрин тупсарарга уонна сезоннай миграция кэмигэр табаны көҥүлэ суох бултууру бохсор үлэни күүһүрдэргэ анал тэрили уонна тиэхиньикэни ылбыта. Итинник эриэйдэ түмүгэр 27 административнай кэһии боротокуолун толорбуттара.

Кэнники сылларга АЛРОСА бырамыысаланнай эбийиэктэрдээх сирдэринэн кыыл таба ааһарыгар анал лииньийэни тупсаран оҥорбута, итиэннэ технологическэй суолларынан кыыл таба ааһар кэмигэр көлө сырыытын тохтоторго дьаһаммыта.

Тарҕат:

Санааҕын суруй