Росавтодор “Бүлүү” федеральнай суол Управлениетын пресс сулууспата иһитиннэрбитинэн, муус устар 14 күнүттэн саҕалаан Аллараа Бэстээх – Дьокуускай хайысханан өрүс суола сабыллар.
“Быйыл эмискэ сылыйан, муус суола ууннан туолан, айаннааччыларга куттал суоһаабытынан сибээстээн, Аллараа Бэстээх-Дьокуускай кыһыҥҥы суол болдьоҕун иннинэ сабыллар. Суоппардар сарсыҥҥыттан ыла өрүс суолунан таһаҕаһы уонна дьону таһаллара тохтуур” , - диэн пресс-сулууспа суруйар.
Маны таһынан, Хатас-Павловскай, Кангаласс-Суотту өрүс суола эмиэ муус устар 14 күнүттэн сабыллар.