Бу сарсыарда куорат киинигэр хара саһыл күүлэйдии сылдьарын туһунан сурах бассаабынан эҥин тилийэ көппүтэ.
Саха циркэтин дрессировщига Мария Жиркова иһитиннэрбитинэн, циркэттэн күрээбит Чук саһылы туппуттар.
“Чук циркэ тэлгэһэтигэр күүлэйдии сылдьан күрээбит. Кини ол күүлэйдиир килиэккэтин аннынан сири хаспыт эбит. Илиигэ сылдьа үөрүйэх буолан, дьонтон, массыынаттан эҥин олох куттаммат. Юрий Владимирович диэн куорат олохтооҕор, саһылы тутан тиксэрбитин иһин барҕа махталбын биллэрэбин”, - диир Мария Жиркова. Билигин саһылы туспа килиэккэҕэ хаайан, бэтэринээр көрүүтүгэр карантиҥҥа укпуттар.
