Усуйаана улууһунан Дьааҥы өрүскэ сааскы халаан ааһар. Суукка устата муус кыайан устубакка, биир сиргэ тохтоон турар. Бу туһунан ЫБММ пресс-сулууспата иһитиннэрэр.
Муус алын кырыыта Усть-Янскай сэлиэнньэтиттэн 80 км сиргэ бэлиэтэнэр, уу таһыма – 960 см (кутталлаах таһыма – 1023 см). Муус үөһэ кырыыта Юбилейнай гидропосттан 60 км аллараа бэлиэтэнэр, онно уу таһыма 1124 см (кутталлаах таһым – 1350 см). Муус сэдэхтик устар, кээмэйэ – 43 км. Суукка устата муус халыс да халбарыйбатах.
