Бэс ыйын 18 күнүнээҕи туругунан, Саха сиригэр 101 687 гектаардаах сиргэ 20 ойуур уота бэлиэтэнэр.
Бу туһунан ЫБММ Саха сиринээҕи управлениета иһитиннэрэр. Ааспыт суукка устатыгар 11 ойуур уота тахсыбыт, онтон түөрдүн умулларбыттар. Уопсайа баһаар кэмэ саҕаланыаҕыттан өрөспүүбүлүкэҕэ 147 ойуур уота турбут.
ЫБММ Саха сиринээҕи управлениетын салайааччы Павел Гарин этэинэн, баһаар тахсарын сүрүн төрүөтүнэн чаҕылҕан, куйаас уонна тыаллаах күн буолар. Орто Халымаҕа балаһыаньа уустук, онно 7 ойуур уота күүдэпчилэнэр. Бэҕэһээ баһаары бохсууга 12 киһи, 6 тиэхиньикэ кыттыбыт.
