Бэс ыйын 19 күнүнээҕи туругунан, Саха сиригэр уопсайа 137 863 гаа иэннээх сиргэ 26 ойуур уота күүдэпчилэнэр. Бу туһунан ЫБММ Саха сиринээҕи сүрүн управлениетын пресс-сулууспата иһитиннэрэр.
“Ордук ыарахан балаһыанньа Орто Халымаҕа бэлиэтэнэр, онно 12 баһаар тахсыбыт, олортон хонтуруолланар сиргэ 9 улахан уот турбут” , — диэн начаалынньык Павел Гарин иһитиннэрэр. Суукка устатыгар эбии 6 ойуур уота турбут. Чаҕылҕантан, тыалтан уонна кураантан сылтаан баһаар тахса турар. Баһаары умулларыыга 17 киһи, 7 тиэхиньикэ сылдьар, маны таһынан, баһаары үөһэттэн кэтээн көрөргө аччыгый авиацияны туһаммыттар.
