Авиалесоохрана суһал дааннайдарынан көстөрүнэн, өрөспүүбүлүкэҕэ билигин 230 ойуур баһаара күүдэпчилэнэр.
Суукка устатыгар 35 ойуур уота турбут, 12 баһаары умулларбыттар, нэһилиэнньэлээх пууннарга уонна экэниэмикэ эбийиэктэригэр куттал суоһаабат. Бу туһунан ЫБММ эрэгийиэннээҕи салаатын пресс-сулууспата суруйар.
“Суукка устатыгар этиҥтэн сылтаан 23 баһаарынан эбилиннэ. Ыарахан балаһыанньа Үөһээ Халыма, Дьааҥы, Эдьигээн, Кэбээйи, Мииринэй, Муома, Орто Халыма, Томпо, Уус Майда уонна Эбээн Бытантай улуустарыгар бүрүүкүүр”, - диэн суруйаллар.
Уопсайа баһаар сезона саҕаланыаҕыттан өрөспүүбүлүкэҕэ 558 уот турбут, былырыын баччаларга 1086 этэ.
