Экология министиэристибэтэ социальнай ситимнэринэн тарҕаммыт “Алдан оройуонугар биир эр киһини сир астаабытын иһин 14 тыһ. солк. ыстырааптаабыттар” диэн сураҕы оруна суох диэн иһитиннэрэр. Бу туһунан министиэристибэ пресс-сулууспата суруйар.
Маны таһынан, “5 л үөһэ сир аһын хомуйуу иһин лиссиэнисийэ ирдэнэр” диэн сурах эмиэ сымыйатын эттилэр. “Ойуур кодексатыгар этиллэринэн, гражданнар тыаҕа тахсан бэйэлэрин сииллэригэр төһө баҕарар көҥүллүк сылдьаллар. Сир аһын хомуйуу уонна ойуурга сылдьыы иһин ханнык да көҥүл, лиссиэнсийэ, пошлина төлөөһүнэ уонна маршрутнай илиис ирдэммэт ”, - диэн министиэристибэҕэ бэлиэтээтилэр.
