Саха сиригэр суукка устатыгар 8 ойуур уотун умулларбыттар. Бу туһунан эрэгийиэннээҕи ЫБММ салаата иһитиннэрэр.
“Суукка устатыгар ойуур уотун иэнэ 22,6 гаа кыччаата. Кытаанах бала¢ыанньа Кэбээйи, Мииринэй, Томпо уонна Уус Алдан улуустарыгар бэлиэтэнэр. Онно уопсайа 25 баһаар турбут”, - диэн сүрүннүүр управление начаалынньыга Павел Гарин иһитиннэрэр. Авиалесоохрана суһал дааннайдарынан, өрөспүүбүлүкэҕэ 91929,7 гаа иэннээх сиргэ 51 ойуур уота турар, 137,89 гаа сиргэ уот күүскэ күүдэпчилэнэр. Ааспыт суукка устатыгар 7 ойуур уота тура сылдьан умуруоруллубут. Баһаары умулларыыга 474 киһи, 82 тиэхиньикэ үлэлээбит.
