Киир

Киир

Бү күннэргэ СӨ Үүнэр көлүөнэ тус сыаллаах пуондата уонна АЛРОСА хампаанньа ыччат холбоһуктарын ортотугар тэрийбит “Экология волонтердарын эйгэтигэр бастыҥ бырайыак” өрөспүүбүлүкэтээҕи куонкурустара түмүктэннэ. Куонкурус тэрээһинигэр СӨ Экологияҕа, айылҕа баайын туһаныыга уонна ойуур хаһаайыстыбатыгар министиэристибэтэ кыттыста.

Куонкурус сүрүн соруга – экология тэрээһиннэригэр ыччаты кытыарыы көмөтүнэн экология култууратын төрүттэрин үөскэтии, айылҕаны харыстыыр көҕү уһугуннарыы, тулалыыр эйгэҕэ харыстабыллаахтык сыһыаннааһыы.

Бу күннэргэ икки номианцияҕа экология куонкуруһун түмүктэрин таһаардылар, бастыҥ бырайыактары быһаардылар:

-- “Зеленый проект” – куорат уонна тыа сиригэр субуотунньуктары ыытыыга, пааркалары уонна искибиэрдэри ыраастааһыҥҥа, тиэргэннэри уонна улууссалары көҕөрдүүгэ-тупсарыыга, туттуллубут батарыайалары хомуйууга, экология аахсыйаларын тэрийиигэ, пластик хаппахтары, макулатураны хомуйууга, о.д.а. анаммыт экология волонтердарын бырайыага;

-- “Эковзгляд” – интэриниэт-ресурсаны тэрийиигэ, экология тиэмэтигэр аналлаах матырыйааллары оҥорууга, хаһыаттары, сурунааллары, ыйынньыктары уонна да атын электроннай, бэчээт таһаарыыларын бэлэмнээһиҥҥэ, экология эйгэтигэр волонтердааһын туһунан информацияны интэриниэккэ уонна СМИгэ тарҕатыыга, экология туһунан үөрэҕи бырайыактааһыҥҥа, быыстапкалары тэрийэн ыытыыга аналлаах бырайыак.

Куонкуруска өрөспүүбүлүкэ араас муннугуттан элбэх үлэ киирдэ. Ол курдук, ордук көхтөөхтүк уонна күн сарсын олоххо киллэриэххэ сөптөөх матырыйааллары Амма, Горнай, Бүлүү, Мэҥэ Хаҥалас, Нам, Сунтаар уонна Чурапчы улуустарын эдэр экологтара ыыттылар. Куонкурус түмүгүнэн “Эковзгляд” номинацияҕа бастакы миэстэни “Электронный журнал” үлэлээх “Д.Г. Макаров аатынан “Зеленый пояс Вилюя” экология пуондата” НКО иһинэн үлэлиир “ЭкоРепортер” волонтердар кулууптара ылла.

О.П. Иванова-Сидоркевич аатынан “Амма кырдалын ыччата” ыччат уопсастыбаннай тэрилтэтин “Национальный парк – Жумчужина Якутии” бырайыага үбүлэнэр буолла. Бу бырайыак “Зеленый проект” номинация кыайыылааҕа буолла.

Ыспыраапка:

Куонкурус СӨ Үүнэр көлүөнэтин тус сыаллаах пуондатын “2016-2020 сс. үүнэр көлүөнэ туһугар” бырагырааматын “Сайдыы” хос бырагырааматын олоххо киллэрии чэрчитинэн тэрилиннэ. Ити бырагырааманы АЛРОСА үбүлүүр.

АЛРОСА сыл аайы “СӨ Үүнэр көлүөнэтин тус сыаллаах пуондата” кэмиэрчэскэйэ суох тэрилтэҕэ кырата суох харчыны биэрэр. Пуонда ол харчыны эрэгийиэн иһигэр социальнай суолталаах бырайыактары уонна бырагыраамалары олоххо киллэрэргэ туһанар. Күн бүгүн АЛРОСА үбүнэн пуонда иһинэн “2016-2020 сс. үүнэр көлүөнэ туһугар” бырагыраама икки хайысханан олоххо киирэр: “Көмөлөһүү” (социальнай эбийиэктэри тутууну үбүлээһин) уонна “Сайдыы” (социальнай бырайыактары олоххо киллэрии). Бырагыраама чэрчитинэн хампаанньа култуураны сайыннарар, кырыы нэһилиэктэр оҕолоро үчүгэй хаачыстыбалаах үөрэҕи ылалларыгар көмөлөһөр, үөрэх-билии аартыктарын арыйар. 2019 сыллаахха АЛРОСА пуондаҕа 931,4 мөл. солк. биэрбитэ.

2019 сылтан “АЛРОСА” АХ (ПАУо) 2019-2023 сс. туһуламмыт тулалыыр эйгэҕэ уонна экология куттал суох буолуутугар аналлаах кэлим бырагыраамата үлэлиир. Былаан быһыытынан ити бырагыраамаҕа барыта 29,4 млрд солк. көрүллүөхтээх.

“АЛРОСА” АХ (ПАУо) уонна СӨ Үүнэр көлүөнэтин тус сыаллаах пуондатын пресс-сулууспалара.         

Тарҕат:

Санааҕын суруй

Бүтэһик сонуннар