Алтынньы бүтүүтэ Саха сиригэр нуорматтан 10-15°C ичигэс буолуо диэн Гидрометцентр сылыктыыр. Бу туһунан Арассыыйа Гидрометкиинин научнай салайааччыта Роман Вильфанд ТАСС ааҕыныстыбаҕа кэпсээбит.
“Бу нэдиэлэҕэ Арассыыйаны бүтүннүү кэриэтэ нуорматтан хадьайар ичигэс күннэр сабардыахтара. Европа чааһыгар соҕурууттан ичигэс салгын, оттон Азия өттүгэр – Чуумпу байҕалтан олус ичигэс салгын кэлиэҕэ”, - диэн Вильфанд иһитиннэрбит. Кини дойду Азиятааҥҥы чааһыгар нуорматтан 10-15 кыраадыс ичигэс буолуоҕа диэбит. Ордук Саха сиригэр уонна Чукоткаҕа ол биллиэҕэ диэбит. “Онно күнүһүн нуул кыраадыс, оттон түүнүн 10-15 кыраадыс тымныы буолуоҕа”, - диир.
