Дьокуускай куорат бөх тоҕор полигонугар, Бүлүүлүүр аартык 9 км баһаар буолбут.
Полигон начаалынньыга Олег Строев этэринэн, бөх кутуллубат өттүгэр гаас тахсара бэлиэтэммит, онтон сылтаан буруо турбут.
Уот көрдүгэнин кумаҕынан кутан тохтото сатыыллар, ааспыт суукка устатыгар 728 куб.м. кумаҕы куппуттар, билигин үлэ салҕанар. Баһаары хонтуруоллаан тэрилтэ салайааччыта миэстэтигэр дьуһуурустубалыыр, булдьозер, погрузчик, самосвал уонна водовоз үлэлиир. Билигин полигон штатанай эрэссиминэн үлэлиир, бөҕү аҕала тураллар.
