Айсен Николаев эрэдээктэрдэри кытары көрсүһүү кэмигэр Амма өрүс баһыгар ураты харыстанар айылҕа территориятын (ООПТ) тэрийээри сылдьалларын эттэ.
Ил Дархан өрөспүүбүлүкэ салалтата экология кыһалҕатын быһаарарга ордук болҕомтону уурарын эттэ. Кини саха дьоно Амма баһыгар ойууру кэрдээри тииһэллэрин олус ыарыханнык ылыммыттарын өйдүүрүн кэпсээтэ. Айсен Николаев ойууру кэрдиигэ аукционы ылбыт тэрилтэни борокуратуура кыраҕатык бэрэбиэркэлээбитин түмүгэр туох да кэһиини булбатаҕын эттэ. Онуоха "Айылҕа харыстабылын министиэристибэтэ Амма улууһугар тыаны кэрдиини кэтээн көрүөҕэ, туох эмэ кэһии тахсар түгэнигэр сөптөөх миэрэни ылыахтара", - диэн эттэ.
“Амма өрүс баһыгар ООПТ тэрийэр туһунан хас да сурук киирбитэ. Онуоха туһааннаах ыйыыны Айылҕа министиэристибэтигэр тиэрдиэҕим. Маныаха сөптөөх билим үлэтэ ыытыллыахтаах. Сокуон ирдиир болдьоҕор үлэ кэмигэр түмүктэнэригэр эрэллээхпин, ураты харыстанар территория баар буолуоҕа”, - диэтэ Айсен Николаев.
