Алдан улууһун Томмот куоратыгар балык собуотун тутуохтара. Бу туһунан "Саха сирин тимир суоллара" уонна Айылҕа харыстабылын министиэристибэтэ дуогабар түһэристилэр.
Балык собуотугар ыамалары иитэн баран үрэхтэргэ, өрүскэ ыытар буолуохтара. Собуот тутуутун туһунан кэпсэтиһии барбыта ыраатта, маныаха ыаллыы эрэгийиэннэр уопуттарын үөрэтэн, кэтээн көрбүттэр. Билиҥҥитэ балык собуота тутуллар сирин номнуо быһаарбыттар. Собуокка дьарҕаа, быйыт, бил балыктар ыамаларын иитиэхтэрэ. Томмокко үлэтэ суох дьон ахсаана элбэҕин учуоттаан, собуот экология боппуруоһун эрэ буолбакка, дьон дьарыктаах буолуутун эмиэ быһаарыаҕа.
