Тохсунньу 21 күнүгэр күнү-дьылы кэтээн көрөөччүлэр кэккэ улуустарга салгын температурата -53-58 дылы тымныйарын сылыктыыллар. Бу туһунан Саха сиринээҕи ЫБММ пресс-сулууспата сэрэтэр.
Саха сирин баһыйар өттүгэр аам-даам тымныылар өссө да сатыылыахтра. Түүн -46-51, күнүһүн -44-49 буолуоҕа. Ол эрээри, Өлөөн, Эдьигээн уонна Илин Эҥэргэ сорох сирдэринэн түүнүн -53-58, оттон күнүскү өттүгэр -50-55 буолуоҕа.
Ленскэйгэ, Өлүөхүмэҕэ кыралаан хаардыаҕа, соҕуруу, Арктика улуустарыгар сөк. 9-14 м. түргэннээх тыал түһүө. Онно түүн -35-40, Алдаҥҥа -25-30 кыраадыс буолара күүтүллэр.
