Кулун тутар ыйга Саха сирин үгүс улуустарыгар температура сүрүннээн 21, 28 кыраадыс тымныы тымныы туруоҕа - диэн иһитиннэрэр Саха сиринээҕи Гидрометцентр. Соҕуруулуу-арҕаа уонна Бүлүү бөлөх улуустарыгар күнү-дьылы билгэлээн көрөөччүлэр сабаҕалааһыннарынан баара-суоҕа 15, 20 эрэ кыраадыс тымныы буолара күүтүллэр.
Тымныы муҥур чыпчаала билигин да сорох хотугу улуустарга 50-55 кырааадыска диэри туруон сөп. Ону ааһан, Өймөкөөн уонна Үөһээ Дьааҥы улуустарыгар 60-64 кыраадыс тымныы буолара сабаҕаланар.
Халлаан муҥутаан сылыйбыт кэмнэригэр, соҕуруулуу-арҕаа улуустарга 11-12 кыраадыс сылаас, онтон киин улуустарга бэл, 4-9 эрэ кыраадыс сылаас буолара күүтүллэр.
Кулун тутарга күүстээх тыаллар, тибиилэр Өлүөнэ өрүс алын тардыытынан уонна соҕуруу, соҕуруулуу-арҕаа улуустарга түһүөхтэрин сөп, айанньыттары айаҥҥа сэрэхтээх буолуҥ, диэн сэрэтэр Саха сиринээҕи Гидрометцентр.
