Киир

Киир

Уһун бырааһынньыктааҕы өрөбүллэри мүччү туппакка, Хаҥаластааҕы айылҕа харыстабылын инспекциятын волонтёрдара тыаҕа туртастарга көмө оҥоро таҕыстылар.

Бастакы сааскы чаҕылхай, ыраас күннэр үүннүлэр. Ол эрээри тыа кыыллара, чуолаан уйан туйахтаах кыыллар туртастар, сол да олох иһин охсуһуулара өссө икки ый тухары салҕанан барыахтаах. Бастакытынан - халыҥ, кытаанах хомурах хаар, иккиһинэн – сотору ириэрдэҕинэ сарсыардааҥҥы тоҥот. Чараас туйахтарынан итиччэ үлүгэргэ абыраллаах окко тиийэн тыын салҕаналлара күнтэн күн күчүмэҕэй. Ол иһин чуолаан бу кэмҥэ, туртастарга эбии аһынан көмө – олох салҕанар тыын суолталаах.

urtas2

«Биһиги номнуо хаһыс да сылын экологтар бу үтүө санаалаах аахсыйаларыгар кыттыһабыт, - диэн кэпсииллэр волонтёрдар, - Туртастарбытыгар оту эрдэтинэ, өссө сайын хаһаанабыт, туус атыылаһабыт. Эбии аһатыына уопсай булт сирдэригэр ыытабыт. Оппутун, инспиэктэрдэр сүбэлэринэн хаары кытта быластаан, туртастар орохторун устун тэлгэтэн уурабыт. Туус кутарга анаан мастан дьоҕус тутуу оҥорбупут. Эрэниэхпит этэ, биһиги көмөбүт туртастарга төһүү көмө буолуо диэн, этэҥҥэ бу тыйыс кыстыгы туоруулларыгар. Киһи айылҕаттан аҥаардас ылыа эрэ суохтаах, төннөрөрү эмиэ сатыахтаах. Ордук бу маннык тыа кыылларыгар ыарахан кэмҥэ»

ЯСИА

Тарҕат:

Санааҕын суруй

Бүтэһик сонуннар