Саха сиригэр сандал саас тыына биллэн эрэр.
Күнү-дьылы кэтээн көрөөччүлэр бу нэдиэлэ бүтүүтэ Саха сирин соҕуруулуу-арҕаа улуустарыгар + кыраадыска дылы итийиэ диэн сылыктыыллар. "Кулун тутар 12-13 күннэригэр салгын температурата хоту улуустарга күнүһүн -20-25 буолуоҕа, киин уонна арҕаа өттүгэр -7-12, соҕуруулуу-арҕаа уонна соҕуруу улуустарга -3,+2 буолуоҕа, ириэриэҕэ", - диэн Дьокуускайдааҕы метерология киинин саайтыгар ыйыллар. Түүнүн киин улуустарга -20-25, хотугулуу-арҕаа -35-40, хотугулуу-илин -40-45, соҕуруу, соҕуруулуу-арҕаа -7-12 буолуоҕа. Саха сирин баһыйар өттүгэр кыралаан хаардыаҕа, соҕуруу уонна арҕаа улуустарга миэстэтигэр тыал сөкүүндэҕэ 9-14 м түргэннээхтик үрүөҕэ, муора кытыытыгар сөкүүндэҕэ 18-23 м түргэннээх силлиэ түһүө.
