Киир

Киир

Өрөспүүбүлүкэтээҕи «Орто Дойду» зоопаркаҕа хагдаҥ эһэлэр кыһыҥҥы түлүк ууларыттан уһугуннулар. Ол туһунан зоопарк салалтата бэйэтин “Инстаграмм сирэйигэр” биллэрдэ.

            “Дьэ, сандал сааспыт кэлэн, халлаан сылыйан, туох баар тыынар-тыыннаах айылҕаҕа уһуктан сылааска, күҥҥэ тардыһан эрэр. Биһиэхэ хагдаҥ эһэлэрбит уһуктаннар – үөрүүбүт улахан. Сыл ахсын кинилэр айылҕаларынан - сэтинньигэ арҕахатыргар сытан бараннар, кулун тутарга уһукталлар” – диэн суруйар зоопарк салалтата.

            Зоопарк үлэһиттэрэ бэлиэтииллэринэн, хагдаҥ эһэлэр ортотунан быһа холоон 107-109 күн утуйаллар. Уһуктаат даҕаны, эһэлэр бастатан туран хаары ыймахтыыллар, ол кэннэ сыыйа-баайа эттэрин-хааннарын үөрэтэн хамсанан бараллар, тымырдарынан кыһын устата турбут хааннарын сүүрдэн, сүһүөхтэрин имитэн. Аһыылларыгар эмиэ тута аһаабаттар, айылҕаларын быһыытынан сэрэхтэр, бастаан оһоҕосторуттан кыс устата мунньуллубут «бүө» тахсыахтаах. Ол кэннэ биһиги кинилэри күннээҕи көннөрү рационнарыгар көһөрөбүт. Хагдаҥ эһэлэр тугу барытын сииллэр, отуттан-маһыттан – эккэ-балыкка тиийэ. Биһиги уораҕайыбытыгар кинилэр ордук сөбүлээн сиир астара – хааһы, хомпуот, оҕуруот астара, араас сир аһа, эт, балык.

Санатар эбит буоллахха, «Орто Дойду» зоопаркаҕа олороллор Пуга диэн ааттаах Томпо улууһуттан төрүттээх атыыр тыатааҕы уонна Машенька диэн ааттаах Өлүөхүмэ тайҕатыттан силистээх-мутуктаах тыһы эһэ.

Айаал Аргунов

Тарҕат:

Санааҕын суруй

Бүтэһик сонуннар