Аллайыаха улууһугар баар "Кыталык" национальнай паарка ЮНЕСКО аан дойдутааҕы нэһилиэстибэтин саҥардыллыбыт барыллаан испииһэгэр киирбит. Бу туһунан айылҕа министиэристибэтэ суруйар.
Ити туһунан иһитиннэрии норуоттар икки ардыларынааҕы ЮНЕСКО саайтыгар тахсыбыт. Инньэ гынан, "Кыталык" аан дойдутааҕы киһи-аймах нэһилиэстибэтэ буолар ыстаатыһы ыларга официальнай сорунааччы буолла. Билигин национальнай паарка РФ Айылҕа ресурсаларын уонна экологияҕа министиэристибэтин кытары ирдэнэр докумуоннары бэлэмнээн туттарыахтарын наада. Заповедник уопсай иэнэ 1,8 мөл. гектар. "Кыталык" норуоттар икки ардаларынааҕы суолталаах сүрүн орнитологическэй паарканан буолар, кини Азия Хотугулуу-илиҥҥи сэдэх кыталыктара төрүүр-ууһуур сирдэринэн буолар, онон норуоттар икки ардыларынааҕы ураты харыстанар тиһиккэ киирсэр.
