Киир

Киир

 

Саха сирин аҕа баһылыга Айсен Николаев муус устар 27 күнүгэр, Арассыыйатааҕы Ыксаллаах Быһыы Майгы Министиэристибэтин баһылыга Евгений Зиначев иилээн-саҕалаан ыыппыт халааҥҥа бэлэмнэнии сүбэ мунньаҕар кыттыыны ылла.

Бу дьылга Саха сиригэр өрүстэр эстиилэрэ кэмигэр буолаллара күүтүллэр. Ыам ыйын бастакы аҥаарыгар муус барыыта өрөспүүбүлүкэ 15 улууһугар саҕаланыаҕа Алдан, Амма, Бүлүү, Өлүөнэ, Таатта, Нүүйэ өрүстэригэр уонна Таатта үрэҕэр. Ыам ыйын ортотутттан бэс ыйын бүтэһигэр диэри – Халыма, Дьааҥы, Индигиир өрүстэригэр өрөспүүбүлүкэ алта улууһун сиригэр-уотугар.

«Ууга тимириэн сөптөөх сиргэ-уокка, Саха сиригэр 169 нэһилиэнньэлээх пуун уонна 24 олохтоох тэрээһин хабыллаллар. Уу таһымын кэтээн көрөргө 183 гидрологическай пост олохтонон үлэлиирэ былааннанар. Нэһилиэнньэни халаан ылбыт сириттэн суһаллык быыһыырга, 25 тыһыынчаттан тахса киһини батарар кыахтаах, 252 быстах кэмҥэ олохсуйар пууннар бэлэмнэниилэрэ былааннанар», - диэн этиллэр саха сирин бырабыытылытыбатын пресс-сулууспатын иһитиннэриитигэр.

Арассыыйатааҕы судаарыстыбыннай ыксаллаах быһыы майгы систиэмэтин Саха сиринээҕи салаатытттан, көмөҕө кэлэр күүстэр тэрилиннилэр: 10 576 киһи, 2799 тиэхиникэ, 191 устар аал, 20 көтөр аал састааптаах.

Зиначев Ленскэй оройуонугар кэлиитигэр, Ыксалаах Быһыы Майгы суһал бөлөҕө Өлүөнэ өрүс сүнньүнэн, муус ордук харыан, уу таһыма тахсыан сөп сирдэрин үрдүлэринэн көтүү оҥордо.

Сааскы халаан уута Саха сиригэр – биир сүрүн кыһалҕа. Ол курдук, 2018 сыллаахха халаан оҥорбут хорумньута 1,3 миллиард солкуобайтан тахсыбыта.

Тарҕат:

Санааҕын суруй