Саха сиринээҕи Айылҕа Харыстбылын миниистирэ Сахамин Афанасьев Томпо улууһугар киирбит үрүҥ эһэни булан, тутарга дьаһал биэрдэ, диэн министиэристибэ пресс-сулууспата иһитиннэрдэ.
“Үрүҥ эһэ инники дьылҕата федеральнай Арассыыйатааҕы Айылҕа Кэтэбилин уонна Арассыыйатааҕы зоопаркалар сэбиэттэрин кытар хардарыта кэпсэтиилэр кэннилэриттэн быһаарыаллыаҕа” – диэн этиллэр иһитиннэриигэ.
Ону таһынан бэлиэтэнэринэн, үрүҥ эһэ туһунан иһитиннэрии Арассыыйатааҕы Айылҕа Кэтэбилин Саха сиринээҕи салаатыгар бэрилиннэ, итиэннэ улуус дьаһалтатыгар уонна полициятыгар. Олохтоох нэһилиэнньэҕэ сэрэхтээх буолун диэн суһал сэрэтии тиэрдиллибит.
Эрдэ иһитиннэриллибитинэн, муус устар 28 күнүгэр Томпо оройуонугар, Хаандыга бөһүөлэгиттэн 120-130 км ыраах, балыксыт үрүҥ эһэни видеоҕа устубут. Адьырҕа кэлэн кини балыктыыр сэбин-сэбиргэлин уктар дьааһыгын сүргэйбит.
Үрүҥ эһэ бүтүн Аан Дойдутааҕы Кыһыл кинигэҕэ киирэр. Томпо улууһун сирэ-уота кини төрүүр-ууһуур, үөскүүр ыыра буолбатах.
