Киир

Киир

 

Айылҕа харыстабылын суһал бөлөҕө Томпо улууһун Дьэбэрэки-Хайатыгар кыыл барбыт үрүҥ эһэни тоһуурга мэҥилээн киллэрэн, тыыннаахтыы тутан килиэккэҕэ хаайдылар.

«Айылҕа харыстабылын суһал бөлөҕө үрүҥ эһэни тыыннаахтыы тутта. Бөлөх төннөрүн кэтэһэбит», - диэн суруйар инстаграммҥа айылҕа харыстабылын миниистирэ Сахамин Афанасьев.

Бу иннинэ Томпо улууһугар үрүҥ эһэни тутан ылан хаайарга уонна куоракка аҕаларга диэн сыаллаах-соруктаах суһал бөлөх көппүтэ. Эрдэттэн бэриллибит иһитиннэриинэн, кыһыл кинигэҕэ киирбит харамай өрөспүүбүлүкэтээҥи «Орто Дойду» зоопааркаҕа аҕалыллыаҕа быстах кэмҥэ тутарга.

Үрүҥ эһэ Дьэбэрики-Хайа бөһүөлэгэр ыам ыйын 11 үүнэр түүнүгэр киирбит. Адьырҕаны ыал чааһынай олбуоругар сылдьарын көрбүттэр. Муус устар ый бүтэһигэр бу эһэни Хаандыга бөһүөлэгиттэн 120 килэмиэтир ыраах көрбүттэрэ.

Судаарыстыба үрүҥ эһэни Арассыыйа уонна норуттар икки ардыларынаҕы Кыһыл Кинигэҕэ киирбит сүтэн эрэр, сэдэх көрүҥ быһыытынан харыстыыр.

Дьэбэрэки-Хайа бөһүөлэгэ оройуон киинэ Хаандыгаттан 53 килэмиэтир тэйиччи баар. Нэһилиэнньэтэ – биир тыһыынча кэриэҥэ киһи.

Тарҕат:

Санааҕын суруй